- المشاهدات: 40
- الردود: 1
الامر المباشر ونظام البيت
كان الزوج وزوجته يجلسان سويا يتناولان مشروبهما المفضل .... حين سألت الزوجة زوجها سؤالا في الثورة
الزوجة : حبيبي .... يعني أيه الأمر المباشر ؟
الزوج : يعني حاجة أنا بعملها معاكي من أول سنة زواج وحتي الآن
الزوجة : اااه ... يعني هدية يوم جوازنا يا حبيبي
الزوج : وبعدين بقي ... إيه اللي فكرك بالموضوع ده دلوقت ؟
الزوجة : وهي مستنكرة وقد إنتفخت أوداجها ... إيه اللي فكرني ... يا زوجي يا حبيبي بعد أيام ذكري زواجنا
الزوج : وهو يتخفي بداخل خجله ... اه طبعا طبعا كل سنه وإحنا مع بعض يا ملهمتي ... بس علي فكرة معني الأمر المباشر مش زي ما فهمتيه خالص
الزوجة : وهي تبتسم بعيون ماكرة ... ومين قالك إني مش فاهماه
الزوج : ااه ... يعني الموضوع كان فخ ... وأنا بطيبتي وقعت فيه
الزوجة : لا أبدا .. الموضوع جه بالصدفة ... بس أنا إستغليته لصالحي
الزوج : طول عمرك إستغلاليه يا حبيبتي ... شكلك من فلول النظام
الزوجة : لا أبدا ولا فلول ولا حاجة ... أنا بس من الثورة المضادة
الزوج : هههه دمك عسل بردقوش يا حياتي
الزوجة : المهم .. حستني منك الهدية إياها اللي وعدتني بيها
الزوج : اااه ... خلاص ... خلي صاحبتك تجيبهالك معاها وهي جاية من السفر ... تمام كده
الزوجة : تمام إيه ... إنت عاوز تجنني
الزوج : في إيه تاني
الزوجة : إنت مش عارف أن صاحبتي حتنزل في أجازة الصيف .. وذكري زواجنا بعد أيام
الزوج : خلاص خلينا نأجل الفرح ...
الزوجة : فرح أيه .. فووووق إحنا متجوزين وعندنا أولاد
الزوج : أقصد يعني نأجل الهدية .. مفيهاش مشكله لما تتأجل شهرين
الزوجة : خلاص انا حتصل اقولها
الزوج : بس انا بفضل أنك تراسليها علي الإيميل
الزوجة : إشمعني
الزوج : لأن التليفون بمثابة أمر مباشر .. وأنا خايف عليكي يا حبيبتي ليحبسوكي
الزوجة : هههه ... طول عمرك بتخاف عليا يا حبيبي
الزوج : طبعا هو أنا أقدر اخالف او اسقط النظام
كان الزوج وزوجته يجلسان سويا يتناولان مشروبهما المفضل .... حين سألت الزوجة زوجها سؤالا في الثورة
الزوجة : حبيبي .... يعني أيه الأمر المباشر ؟
الزوج : يعني حاجة أنا بعملها معاكي من أول سنة زواج وحتي الآن
الزوجة : اااه ... يعني هدية يوم جوازنا يا حبيبي
الزوج : وبعدين بقي ... إيه اللي فكرك بالموضوع ده دلوقت ؟
الزوجة : وهي مستنكرة وقد إنتفخت أوداجها ... إيه اللي فكرني ... يا زوجي يا حبيبي بعد أيام ذكري زواجنا
الزوج : وهو يتخفي بداخل خجله ... اه طبعا طبعا كل سنه وإحنا مع بعض يا ملهمتي ... بس علي فكرة معني الأمر المباشر مش زي ما فهمتيه خالص
الزوجة : وهي تبتسم بعيون ماكرة ... ومين قالك إني مش فاهماه
الزوج : ااه ... يعني الموضوع كان فخ ... وأنا بطيبتي وقعت فيه
الزوجة : لا أبدا .. الموضوع جه بالصدفة ... بس أنا إستغليته لصالحي
الزوج : طول عمرك إستغلاليه يا حبيبتي ... شكلك من فلول النظام
الزوجة : لا أبدا ولا فلول ولا حاجة ... أنا بس من الثورة المضادة
الزوج : هههه دمك عسل بردقوش يا حياتي
الزوجة : المهم .. حستني منك الهدية إياها اللي وعدتني بيها
الزوج : اااه ... خلاص ... خلي صاحبتك تجيبهالك معاها وهي جاية من السفر ... تمام كده
الزوجة : تمام إيه ... إنت عاوز تجنني
الزوج : في إيه تاني
الزوجة : إنت مش عارف أن صاحبتي حتنزل في أجازة الصيف .. وذكري زواجنا بعد أيام
الزوج : خلاص خلينا نأجل الفرح ...
الزوجة : فرح أيه .. فووووق إحنا متجوزين وعندنا أولاد
الزوج : أقصد يعني نأجل الهدية .. مفيهاش مشكله لما تتأجل شهرين
الزوجة : خلاص انا حتصل اقولها
الزوج : بس انا بفضل أنك تراسليها علي الإيميل
الزوجة : إشمعني
الزوج : لأن التليفون بمثابة أمر مباشر .. وأنا خايف عليكي يا حبيبتي ليحبسوكي
الزوجة : هههه ... طول عمرك بتخاف عليا يا حبيبي
الزوج : طبعا هو أنا أقدر اخالف او اسقط النظام
